أحتاج :)

أحتاج للجلوس مع نفسي في ركن تصفية الحسابات

^_^

يوم عادي ^-^

كان يوم عادي

شوية يقلب و يعادي

ويتحداني و يقف قصادي

وشوية ألاقيه عني راضي

زي بالظبط الساعة دي

الحمد لله الهادي

علشان خاطرك يا بلدي

إنتِ النبض وإنتِ الروح

ومعاكى هنسى أي جروح

عطر حبك فى قلبي بيفوح

إني أبعد عنك .. غير مسموح

علشان خاطرك 

أقف فى الإشارة 

أبيع مناديل

ولا فى يوم أشرب سيجارة

ولا أكون م المساطيل

علشان خاطرك يا بلدي

أشتغل نهار وليل 

حتى لو كنت عليل

أنا نفسي وياكي طويل

اى وصف فيكي قليل

علشانك كله يهون

المهم ليكي أصون

ولا عمرى فى يوم أخون

يا ام قلب حنون

أريد

أريد أن أحتضن نفسي وأرحل بعيداً

أريد فقط الجلوس مع نفسي وحيداً

هناك جرح في قلبي عميقاً

ليس هيناً ولا بسيطاً

شعور بالغربة بيني وبين نفسي شديداً

حتي دمعي أصبح عنيداً

لا يحتمل من الحزن مزيداً

فتخلى عنّي وتركني وحيداً

أعيش بين الآه والتنهيدا

ليك يوم يا ظالم

الدنيا صغيرة 

ومدتها قصيرة

وبطبيعتها متغيرة

ياللى مفكر انها دايمالك 

مدامتش لحد علشان تبقالك

الحق شوف وصلح احوالك

بتقتل ومفكر ان دى قوة

ومفكر انك بالاجرام هتكون فتوه

فوق يا ابن آدم وحوا

خليك فاكر إن فى القصاص حياة 

ونفس المصير إنت هتلقاه 

هى دى عداله الله جل علاه 

نفسى من غيبوبة الاجرام تفوق

وتحس بالأم اللى قلبها محروق

وبالأب اللى هيعيش 

طول حياته ألم الفراق يدوق

ليك يوم يا ظالم 

وربنا بالمظلوم عالم

وبدعوته عليك

عمرك ما هتطلع منها سالم 

جرح قلم من جرح وطن

فى كل الدنيا 

القتل جريمة يعاقب عليها القانون

الا فى بلدنا

القتل بند أساسى من بنود القانون 

~~~~~

مهما الظلم يشتد

ومهما الدنيا تسٌوَد

الظالم يومه جاى وهـ يتهد

ويبقى نفسه

بينه وبين ظلمه ألف سد

~~~~~

لابد أن يعلو صوت الشعب فوق صوت مجلس الشعب

لابد أن يعلو صوت الجماهير فوق صوت المشير

لابد أن يعلو صوت الحق ونهتف للظلم لأ

~~~~~

الرجوع للتحرير ... الرجوع للميدان 

مش عاوزين نفقد ناس كمان

يارب سلّم 

وإرحم قلوب بتتألم 

~~~~~

آآآه يا بلد 

قلبك على ولادك إتوجع

بنطلب من الله العون والمدد

والكف بالدعاء لغيره ما اترفع

كل واحد فينا على

اللى حصل فيكى شهد

والكل صلى لله وسجد

و دعوة طالعه من قلب اتوجع

يارب إحمى البلد

يارب إحمى البلد 

~~~~~

للقلوب مجروحين 

عن الطرق تائهين

من الحزن متألمين

للفكر شاردين

ولكننا

لله عابدين

وله شاكرين

ساجدين .. له داعيين

سنظل صادمين

وبالاصرار مكملين

وعلى النصر مصممين

ومؤمنين 

بان بعد الليل

فجر ونصر مبين 

~~~~~

ويستمر القلم يبكي ما دامت دولة الظلم قائمة 

ويستمر القلب فى الاحزان بألوانها القاتمة 

آلاء ~ 

يسقط حكم العسكر

إزاى ننام وإزاى نغفل 

لو فاكر كدة تبقى مغفل

مش هننام وفى الشواع هنسهر

نهتف ونقول .. يسقط حكمك يا عسكر

اللى فى طرة مبسوطين

باذن الله هنخليها عليهم طين

يا مشير يا مشير

كنت مفكرة عندك ضمير

طلعت زى اللى قبلك

الجريمة حاجة منك وفيك 

يسقط يسقط حكم العسكر 

الصديق الحق ... ( إنت العنوان ).

المواقف الصعبة كالمصفاه ... تصفي لنا أصدقائنا

* الصديق الحق مثل الجبل كلما اقتربت منه رأيته عظيماً و شامخاً 

* الصديق الحق هو مثل ظلك بالمثل معك أينما كنت

* الصديق الحق هو الذى يظل بجوارك في الوقت الذى لا تجد حولك معظم أصدقائك

* الصديق الحق هو الذى لا ينساك فى أى دعاء .. يدعو لك قبل أن يدعو له 

* الصديق الحق هو الذى يسره ما يسرك و يحزنه ما يحزنك

* الصديق الحق هو الذي يهديك عيوبك .. أسمى أنواع الهدايا

ويحاول معك لاصلاح هذه العيوب

* الصديق الحق هو الذى مهما شغلتك الدنيا عنه .. فمكانك محفوظ فى قلبه

وإسمك منقوش فى ذهنه لا يمكن أن ينساك أبدا

* الصديق الحق هو الذى اذا قصدته فى خدمة ما , يلبيها اليك فى الحال 

هنيئاً لمن له صديق حق 

اللهم ارزقنا الصحبة الصالحة التى تعيينا على الطاعة 

شاركنا بصفات الصديق الحق من وجهة نظرك :)

لما ... ( إنت العنوان ) .

لما ..... لما حاجات كتير بتحصل شوف الافضل تعمل فيها ايه

لما 

تفكر تعمل موقف مع حد ... شوف الاول لو الموقف ده اتعمل فيك

هتكون مبسوط بيه وفرحان ولا هتزعل منه 

لو هتكون مبسوط منه وفرحان بسرعه اعمله ومتترددش

ولو هيزعلك الموقف ده ... أرجوك بلاش تعمله 

بلاش تزعل صاحبك منك وتخليه ولو للحظة واحدة يحس انه غلط لما صاحبك

لما

حد يطلب منك خدمة او يقصدك فى طلب وتقدر تعمله .. ارجوك بلاش تكسفه 

إعملهوله أصله بيبقى بيسألك وهو معشم فيك أوى  علشان كدة طلب منك الخدمة دى

متقطعش حبل المودة اللى بينكو

ولو متقدرش تلبى طلبه ده ... اعتذر ليه بطريقة مناسبة 

لما

حد يعمل ليك خدمة او عمل معاك موقف حلو

إشكره .... من لا يشكر الناس لا يشكر رب الناس

ولو العلاقة بينكو قوية جدا ومفيش بينكو شكر 

لان لما انت مثلا بتعمل حاجة لحد قريب منك أوى بتحس ان ده واجب عليك انك تعملهاله ... مبتكونش مستنى منه كلمة شكر طبعا 

واجب عليك تخدمه .. واجب عليك تسأل عليه .. واجب عليك تعمل الحاجات اللى بتفرحه وتسعده

خلاص مفيش بينكو شكر .... حسسه بأة بقيمة اللى هو عمله معاك  .... وإنك فرحان جدا انه عملها 

وإنه فى نظرك بيكبر يوم بعد يوم

لما

تشوف حد مخنوق بلاش تزودها عليه  .... لأنك بتبقى عامل زى اللى لاقى جرح وفضل يكبر ويعمق فيه

كلمه فى اى موضوع تانى عنك مثلا احكيله حاجة حصلت 

قوله موقف ممكن يخليه يبتسم وينسى شوية 

وبعد ما يروق كدة ابقى شوف كان مخنوق من ايه ولو فيه مشكلة حلها معاه وفكر معاه 

لما 

تكون فرحان بسرعه اتصل على صاحبك فرحه معاك 

لأنه هيفرح أوى لفرحك زى ما بيحزن أوى لحزنك

خلى صاحبك معاك على الحلوة والمرة 

لما .. مبتخلصش 

وكل اما افتكر حاجة ... هحطها فى لما بردو 

ولو افتكرت انت حاجة .... قولهالنا نفعنا بيها =))

طريقك خير ... ( إنت العنوان ).

بسم الله أبدأ وعليه أتوكل

هفتح معاكو شوية طرق كدة نعمل بيها خير واحنا فى طريقنا للكلية او المدرسة او الشغل او اى طريق هنمشى فيه 

*عاوزين نتفق على حاجة نقولها كلنا واحنا نازلين من البيت 

" بسم الله توكلت على الله ولا حول ولا قوة الا بالله العلى العظيم "

*قال رسول الله صلى الله عليه وسلم: ( إنكم لن تسعوا الناس بأموالكم فليسعهم منكم بسط الوجه وحسن الخلق ) رواه مسلم

بسط الوجه يعنى الابتسامة ... وتبسمك فى وجه أخيط صدقه 

وانت ماشى فى الشارع بتشوف ناس كتير وناس كتير بتشوفك 

خلى الابتسامة وبسط الوجه عنوانك ... حتى الابتسامة بتنقل شعور طيب للناس اللى قدامك 

على عكس الوجه العبوس

*لو شوفت طفل صغير إضحكله او لو وقتك يسمح اقف معاه شوية 

ولو بيعيط بأة اوعى تسيبه غير وهو بيضحك 

مرة كان واحد راجع من الكلية ولاقى طفل صغير بيعيط 

وقف عرف بيعيط ليه ... وقعد يضحك فيه و يهزر معاه شوية 

واداله حاجة حلوة بسيطة جداااااا ... وفوجىء الشخص ده 

بوالده الطفل بتقوله ده هو بيحبها أوى الحاجة دى 

مع انها بسيطة جدااا ... اعمل البسيط لعله هو اللى هيسعد الناس 

متتكسفش من قله الحاجة انت تتكسف لو كان فى ايديك تعملها ومعملتهاش

*منظر بشوفه يوميا وانا رايحة أى مشوار وأكيد كلنا بنشوفه

ستات كبار فى السن بيبيعوا خضار وفاكهة 

مش عيب ولا حرام ... صاحية بدرى علشان تجرى على أكل عيشها وعلشان تأكل اولادها 

هذه يد يحبها الله ورسوله

لما تشوف واحدة فى سن والدتك صاحية من بدرى جدا علشان تقعد فى الشارع تبيع 

ادعيلها دعوة بظهر الغيب ربنا يرزقها ويكرمها ويسعدها دنيا وآخرة 

*لو شوفت حد عاوز مساعدة ... ساعده لو وقتك يسمح 

لو ميسمحش اعتذر بأدب وذوق

*لو شوفت راجل كبير بيعدى الشارع عديه ووقف العربيات وخد بايديه وعديه الشارع 

*لو لاقيت حجر او اى حاجة فى وسط الشارع 

شيلها حطها على جنب علشان متأذيش غيرك 

مش هتقلل من برستيجك ولا هتقلل صورتك فى عين الناس 

بل بالعكس هيحترمك جدا و كمان هتكون هادى بأخلاقك

ولما يلاقوا حاجة فى وسط الشارع هيشيلوها ويحطوها فى جنب 

دى بعض الافكار اللى ممكن نعمل بيها طريقنا لطريق الخير 

لو عندك أفكار كمان ضيفهاااااااااااا متبخلش علينا بافكارك :)

المذنب ... (إنت العنوان ).

بسم الله نبدأ

كلامى ليك إنت نصيحى من اخت صغيرة أو كبيرة 

عاوزة أعرفك حاجة انك الشغل الشاغل لكل الشيوخ والدعاه ... كلهم عاوزين ياخدو بايديك من الهلاك  ويكونوا ليك طوق نجاه

كلنا عندنا ذنوب اكيد يعنى مفيش شك 

لان كل بنى آدم خطاء وخير الخطائين التوابون

نخطىء و نتوب ونستغفر لأن لنا رب رحيم يغفر الذنوب 

قال الله تعالى 

وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحاً ثُمَّ اهتَدَى

وطبعا فيه آيات كتيرة فى القرآن الكريم  عن المغفرة ومدى رحمة ربنا بينا

وفيه حديث قدسى بحبه أوى

 أَبِي هُرَيْرَةَ ، يَقُولُ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ , يَقُولُ : " أَذْنَبَ رَجُلٌ ذَنْبًا ، فَقَالَ : أَيْ رَبِّ أَذْنَبْتُ ذَنْبًا فَاغْفِرْهُ لِي ، قَالَ رَبُّكُمْ : عَلِمَ عَبْدِي أَنَّ لَهُ رَبًّا يَغْفِرُ الذَّنْبَ وَيَأْخُذُ بِهِ ، قَدْ غَفَرْتُ لِعَبْدِي ، قَالَ : ثُمَّ لَبِثَ مَا شَاءَ اللَّهُ ثُمَّ أَذْنَبَ ذَنْبًا آخَرَ ، فَقَالَ : أَيْ رَبِّ أَذْنَبْتُ ذَنْبًا آخَرَ فَاغْفِرْهُ لِي ، قَالَ رَبُّكُمْ : عَلِمَ عَبْدي أَنَّ لَهُ رَبًّا يَغْفِرُ الذَّنْبَ وَيَأْخُذُ بِهِ ، قَدْ غَفَرْتُ لِعَبْدِي ، قَالَ : ثُمَّ لَبِثَ مَا شَاءَ اللَّهُ فَأَذْنَبَ ذَنْبًا ، فَقَالَ : أَيْ رَبِّ أَذْنَبْتُ ذَنْبًا فَاغْفِرْهُ لِي ، قَالَ رَبُّكُمْ : عَلِمَ عَبْدي أَنَّ لَهُ رَبًّا يَغْفِرُ الذَّنْبَ وَيَأْخُذُ بِهِ ، قَدْ غَفَرْتُ لِعَبْدِي فَلْيَعْمَلْ مَا شَاءَ " ، هَذَا حَدِيثٌ صَحِيحٌ ، أَخْرَجَهُ الْبُخَارِيُّ

اخطأت .... إستغفر ..... يغفر الله لك 

وقال رب العزة 

"وَقَالَ رَبُّكُـمْ ٱدْعُونِى أَسْتَجِبْ لَكُمْ"

وكأن الاستجابة نتيجة طبيعيه للدعاء ... تدعوه يستجب 

ادعوه ليغفر لك بيقين صادق انه يغفر 

وتأكد أنه لا يرجع يدك صفرا خائبتين

إحسن الظن فى الله ... تجده دائما عند حسن ظنك به

اتعلمت من دينى كدة

أكره الذنب ولا أكره المذنب

ودورى مع المذنب انى اقوم بأمره بالمعروف ونهيه عن المنكر

نصائح أخيرا ... ويارب صدرك يتسع لكلامى 

والكلام والنصائح دى ليا قبل ما تكون ليك 

لعلك أفضل منى .... بس بقوم بس بعمليه التذكير

فذكر فإن الذكرى تنفع المؤمنين

* متظلمش نفسك  معاك بالمعاصى 

ولو كانت نفسك ليك أمارة بالسوء .. فأمرها أنت بالمعروف وصحح سير نفسك 

حتى تكون ليك بالنفس اللوامة اللى دايما تلومك بعد اى خطأ ... وترجع تتوب وتستغفر وان شاء الله ربنا يغفرلك ويصلح حالك

إنقذ نفسك من أمواج الهلاك ... لانك فى الدنيا دى زى ما تكون فى عرض البحر 

والشهوات والمعاصى زى الموج العالى جدا 

لازم تقاوم امواج المعاصى والشهوات علشان متغرقش فى بحر الدنيا 

وأخيرا متحرمش نفسك من سماع القرآن ... بصوت شيخ انت بتحبه 

متحرمش عينيك من الدموع من شخية الله

متحرمش جوارحك من هذا الاحساس ... الخشية من الله 

إسمع دروس دينيه ... وليكن درس اسبوعى لاى داعيه اسلامى انت بتحبه 

اقرأ كتير عن الله  علشان تحبه أوى 

اقرأ سيرة الرسول صلى الله عليه وسلم 

وسير الصحابة واتعلم منهم 

لعل الله يحدث بعد ذلك أمرا 

أنت عليك إنقاذ نفسك اولا .. ومن حولك ثانياً 

رسالة سريعة ... ( إنت العنوان ) .

رسالة سريعه 

خليك واخد بالك إن أى حد مننا عنده هدفين

هدف قريب المدى وهدف بعيد المدى

هدف قريب المدى : ده الهدف اللى بيحققه فى الدنيا 

لأن الدنيا مهما طالت ومهما عشت سنين فهى منتهيه وقصيرة 

هدف بعيد المدى : الهدف اللى بتشتغل ليه وبتتعب علشانه فى الدنيا 

بس نتيجته بتعرفها فى الاخرة " جنة ولا نار "

جعل الله مكانكم الجنة وابعد عنكم النار 

فلازم ميكونش فيه تعارض بين الهدفين " قريب المدى وبعيد المدى " 

لما تيجى تحط هدفك القريب اللى فى الدنيا 

ابنيه على تقوى الله 

لان لو بنيت هدفك القريب على أساس صح 

هتحقق هدفك البعيد صح 

وهو الجنة بإذن الله

وفقنا الله وإياكم للعمل الصالح وأرزقنا شفاعة النبى محمد عليه الصلاة والسلام