ده طبيعى فى اى بيت فيه بنوتة كبيرة عدت العشرين
وبتكون البنوتة دى يا عينى متعودة دايما ً على قعدة الصالون :D
اييييييييه دنياااااااااااا
ياللا نبدأ معاكو قصة صحبتنا مروة اللى فى نص العشرينات كدة متخرجة من كلية قمة آه مش أى كلية بردو :D
بس لسة النصيب مجاش
مروة ليها أخت اسمها ميادة فى اولى جامعه لسة
واخت تانية اسمها نرمين فى 3 اعدادى " شهادة يا ناس شهادة ":D:D
الست ام مروة قاعدة فى آمان الله ... التليفون رن
ردت ع التليفون .... صحبتها اللى بقالها 10 سنين مكلمتهش ولا شافتها ولا اى حاجة
اكيد مش ذات فجأة كدة وحشتها :D:D
المهم سألتها على بناتها دلوقتى فى سنة كام
وان ليها مهندس أد االدنياااااااااااااا عاوز يخطب
وعاوزين نيجى نشوف مروة هى اكيد قمر زى امها كدة
الست ام مروة ردت عليها
انتى عارفة لازم اقول للحاج الاول
الرأى رأية والشورة شورته
بس قوليلى العريس عنده كام سنة و بيشتغل فين والتفاصيل دى
مروة بأة سمعت كلمة عريس
وعااااااااااااشت أحلامها " احلام اليقظة " بس بأة
خلااااااااص الحمد لله عريس
وتبص لصوباعها كدة وتتخيل فيه شكل الدبلة ..... و تحلم بأة بيوم الخطوبة ويوم الفرح والفستنا الابيض
وتعييييييييييييييييش فى احلامها شوية
وفجأة تفتح اختها عليها باب الاوضة تقولها بت يا مروة
جايلك عريس ماما بتقول لبابا
مروة : عريس ؟؟
ميادة : ايوة انا سامعه ماما بتحكى لبابا
عنده 28 سنة ومهندس مدنى
ياللا بأة وافقى يا شيخة ... خلى الواحد يروق لنفسه كدة :D:D
وماما بتقول كمان انه متخرج من هندسة خاص
بلاش تدققى بأة ع الخاص وكدة .... خلينا نخلص منك
ولا عجباكى قعدة الصالون اللى حقظتيها دى ؟؟
مروة : خاااص !!!!!!! يا خسارة شهاداتك يا مروة :D:D
ماشى يا ستى علشان تفضى لنفسك وتشوفى نفسك كدة
لما ماما تسألنى هقولها هنشوفه مفيش مشاكل ييجى زى اللى جم
لعل و عسى بأة يكون هو النصيب
ميادة : أمواااااه حبيبتى هو ده عين العقل :D
امهم تدخل مروة جايلك عريس
مروة وميادة يضحكو
الام : آآآآآآآآآآآآآآآه هى الرويتر قالتلك
مروة ايوة قالتلى
الام : وانتى اية رأيك ؟؟
مروة : عادى يا ماما لو شايفة انهم ناس طيبة ماشى
الام : اه طيبين اوى وامه بلسم دى صحبتى
مروة : خلاص يا ماما ماشى
الام : ماشى نقولهم ييجو يوم الجمعه
مروة : اوك ماشى
كواليس يوم الخميس فى البيت بأة
توضيب وتنفيض و قلبوا حال البيت اصلا :D
لحد اما الجيران أخدوا بالهم ان جى عريس :D:D
مروة لنرمين اختها
قومى يا بنتى اعملى حاجة معانا الناس جايين بكرة
نرمين : انتوا ناس فاضية انا واحدة بتذاكر
مروة : قومى يا نرمين الهى افرح بيكى يارب
وضبى اوضتك حتى
نرمين : لاااااااااا هما ايه اللى هيدخلهم اوضتى؟؟
مروة : يا حبيبتى ام العريس بتشم ريحه التوضيب :D:D:D:D:D قومى يا بنتى
نرمين : طيب طيب مااااااااشى هخلص الدرس ده واقوم
وطبعا فى اليوم ده لازم البيت كله ياخد شاااااااااور
مماثل فى الاهمية لشاور ليلة العيد كدة بالظبط :D:D
العريس وامه يدخلو البيت يشموا ريحة الشامبو أصلا ههههههه
يوم الجمعه بأة
مروة واخواتها بيجهزوا الحلويات والجاتوة والحاجة الساقعه
اتعودوا على الحاجات دى خلاص
كل واحد عارف مهمته ايه وعارف هو بيعمل ايه :D
جينا لنقطة الصفر
العريس وامه وصلوا ... مروة من ورا الستارة كدة تبص وهما داخلين عليهم
فضوووووووووووووووووووول بأة نقول ايه هههههههههه
ام العريس بعد ما قعدوا شوية
امال مش هنشوف العروسة ولا اية ؟؟
ام مروة : طبعا طبعا العروسة جية
مروة تدخل : تبتسم وتسلم على ام العريس
وتسلم على العريس
وتقعد
وام العريس بعد ما كانت شغالة رغى رغى رغى رغى مش فاصلة
سكتت وكأنها شافت معرفش مين كدة :D:D
مروة فى بالها : هى الست دى جرالها ايه مهى كانت شغاله رغى لحد اما صدعتنى
ياللا وماله انا شكلى بقيت متعودة دايما
ابتسم ليها وخلاص
مروة تبص فى اتجاه ام العريس وتبتسم
ام العريس : تصدرلها الوش الخشب ولا كأنها شايفة حاجة
مروة : دى باينها غلسة اوى ايه ام الاحراج ده
بس مش مهم الام العريس شكله هادى ووديع
مروة كل اما تبص ع العريس تلاقيه باصص ف اتجاه تانى خالص
وبيكلم عم الحاج ابو مروة ........ ومندمج اوى معاه
مروة : هى الناس دى ايه مش واخدين بالهم ان اللى دخلت دى العروسة هههههههه
ياللا بأة يا مروة معلش يا حبيبتى ... أكيد نصيبك لسة مجاش
ام العريس تستأذن علشان وراهم مشوار مهم اوووووووووووى
ههههههههه قال يعنى المشاوير مقطعة بعضها
تسلم عليهم سلام بارد وتمشى
ومروة نفسها تكسر وراهم زير
ميادة : ها يا ميرو عملتى ايه
مروة : ميرو ؟؟ !!!!! اسكتى يا بنتى هههههههههههه
زى كل مرة
رضينا بالهم والهم مش راضى بينا ههههههههههه
بعد كدة ندخلهم الانتريه علطول ولا ايه هههههههههههه
ميادة : انتريه مين
ع السفرة عدل
اقرب طريق لقلب الراجل معدته هههههههههههههههههههه
والستات بيحبوا الاكل اوى
ميمشيش معاهم جو الجاتوة والحاجة الساقعه والكلام الفاضى ده
مروة : ع رأيك المرة الجية بأة هههههههه اقصد الضحية الجية نجرب السفرة
اهو نغير العتبة
مروة : عارفة مين اللى صعبان عليا؟
ميادة: مين؟
مروة : بابا
يا عينى عليك يا ابو البنات ههههههههه مش بينت واحدة ولا 2 لاااااااااا ده احنا 3
بس يارب المراحل دى متعديش عليكو كلكو هههههههه انا بقول انا خلصت مراحلى ومراحلكو معياا بالمرة هههههه
ام مروة تدخل : بتقولوا ايه ؟؟
مروة : عادى بندردش على روعه الناس اللى كانوا هنا
دى صحبتك العسل يا ماما؟؟
الام : بس يا مروة يا بنتى دى طول عمرها تنكة كدة
بس قولت اهو احببك فيها شوية بدل ما تكرهيها من اولها
مروة : هههههههههه ياريتك كنتى كرهتينى فيها م الاول يا ماما
ام مروة تدخل : بتقولوا ايه ؟؟
مروة : عادى بندردش على روعه الناس اللى كانوا هنا
دى صحبتك العسل يا ماما؟؟
الام : بس يا مروة يا بنتى دى طول عمرها تنكة كدة
بس قولت اهو احببك فيها شوية بدل ما تكرهيها من اولها
مروة : هههههههههه ياريتك كنتى كرهتينى فيها م الاول يا ماما
وضحكو وخلاااااااااااص كفاية كدة
مروة تدخل تنام بأة كفاية عليها اوى اللى شافته من العريس وامه بصراحة
آلاء الرحمن :)
